فى كل مشاركة حد بيشاركنى بيها...
كل ضعف حد بيكشفهولى..
كل ألم حد بيسبنى أحسه معاه..
كل صراع داخلى حد بيخلينى اصاحبه فيه..
كل رحلة داخلية حد بيسبنى امشى معاه فيها...
قلبى بيكون حاسس برهبه وخشوع رهيب ، ازاى الشخص دا استأمنى على حاجة غالية كده...
بكون حاسس انى محتضن اللى قدامى، وفى نفس الوقت محضون انا كمان....
انى مشارك اللى قدامى، وفى نفس الوقت انا كمان حاسس بالصحبة...
انى بدى حب ، وفى نفس الوقت محبوب...
انى دافى، وكمان متدفى بالمساحة اللى بيننا...
امان وطمأنينة واحتواء بيطلعوا منى لوحدهم للى قدامى وليا انا كمان.....
وكأن احنا الاتنين عطشانين وجعانين ومرهقين من الحياة، ولما بقينا مع بعض بقينا بناكل من الرابطة اللى بتتكون بيننا دى...
سلاما الى كل هؤلاء الذين اصطحبونى فى ترحالاتهم الداخلية وائتموننى عليها،
نفسى صارت اكثر دفئا وغنى بوجودكم.
No comments:
Post a Comment