anne with an e
فى لقطة درامية فى المسلسل دا ...
"باش" مراته ماتت بعد جوازهم بسنة تقريبا. من كتر ماهو بيحبها مكنش مستوعب انها مش موجودة او ازاى هيكمل حياته من غيرها..
فى الجنازة كان قاعد بره البيت مش قادر يسمع حد.
والقسيس جه يتكلم معاه قالله " مش عايز اسمع اى وعظة او اى كلمة عن ان ازاى الوقت هيعالج الالم اللى انا حاسس بيه"
فالقسيس قالله انا بس هحكيلك قصة عن مراتك وهى صغيرة... وحكاله قصة بسيطة ومضحكة شوية...
"باش" ضحك شوية وبعدها انهار فالعياط..
القسيس معملش حاجة غير انه حضنه وقاله "thats right, you love her"
ساعات كتير مش بنحتاج اى حاجة غير ان يحد يعمل validation للى احنا حاسيين بيه...
وبالذات فى وقت الالم، وكأننا بنحس ان مش حقنا اننا نتألم من كتر ما اللى حوالينا بيبعتوا برساليل تعزيه (طبعا فى سعى انهم يساعدونا ويخففوا الالم، بس كل اللى بيحصل اننا مش بنعرف نتعامل مع الالم بطريقة صح لان كل اللى حوايلنا مصممين ينكروا علينا حقنا فى الالم دا)
ارجوك، سيب الآخر يحس بألمه...
يحس بيه للآخر..
وهو بعد كدا هيقوم لوحده ..
No comments:
Post a Comment