الرجولة الحقيقية : الجزء التانى
قيمة الراجل فى نفسه
الراجل المزيف قيمته من نفسه دايما بيستمدها من حاجة براه....
زى انه يكون شاطر فى حاجة بيعملها ( كلام زى اشطر واحد، او احسن واحد دايما فى مخيلته)
قيمته عادة فى انه يبقى احسن من الناس التانيين... وكل مايبقى احسن من شوية ناس ، بيدور على ناس تانيين يكون احسن منهم...
قيمته ممكن تكون فى الشهادات اللى معاه او الوظيفه اللى هو فيها او شكله او لبسه او نوع عربيته او الفلوس اللى معاه او حتى البنت اللى مرتبط بيها....
قيمة الراجل فى نفسه
الراجل المزيف قيمته من نفسه دايما بيستمدها من حاجة براه....
زى انه يكون شاطر فى حاجة بيعملها ( كلام زى اشطر واحد، او احسن واحد دايما فى مخيلته)
قيمته عادة فى انه يبقى احسن من الناس التانيين... وكل مايبقى احسن من شوية ناس ، بيدور على ناس تانيين يكون احسن منهم...
قيمته ممكن تكون فى الشهادات اللى معاه او الوظيفه اللى هو فيها او شكله او لبسه او نوع عربيته او الفلوس اللى معاه او حتى البنت اللى مرتبط بيها....
لما قلنا فوق ان الراجل المزيف مش بيعرف يطلع غلطان او يغير اراءه فى حاجة، فده عشان هو بيحط قيمته حتى فى الاراء دى، وبالتالى مينفعش يغيرها لانه كده هيبقى بيتخلى عن قيمته الذاتيه....
من ضمن اشكال الجحيم بالنسبة للراجل المزيف هى انه يلاقى شريكته بتاخد اهتمام كتير مثلا ( لو هى مشهورة او شاطرة فى حاجة) لانه دا بيترجم جواه الى انه مش راجل كفاية وانه مش ذو قيمة كبيره..
اما الراجل الحقيقى فهو مش بيستمد قيمته من حاجة براه.... لكن قيمته جايه من حبه وتقديره لنفسه واحترامه ليها.....
هو مش فى صراع او حرب مع نفسه عشان يصحى كل يوم محتاج انه يثبت قيمته.... لكن هو فى سلام معاها ومتطمن ليها... فمش قلقان دايما ومتوتر من قيمته...
وطبعا دا بيؤدى انه بيبقى امين جدا فى مواجهته مع نفسه.... هو مش بيخاف انه يشوف ضعف جواه او حاجة شكلها وحش....
الراجل الحقيقى معندوش مشكلة ان شريكته تاخد اهتمام كبير او اكبر منه... دا بالعكس بيشجعها وبيساعدها... دا لانه مش حاسس بالتهديد على رجولته او قيمته من انها تعمل كده...
فيه دراسة اتعملت سنة 2016 على الرجالة... قسموهم مجموعتين ... قالوا لمجموعة انهم عملولهم تحاليل وان نسبة التستيرون ( الهرمون المسئول عن الذكورة) ضعيفه عنده ، والمجموعة التانية قالولهم ان نسبة التستيرون مرتفعة ( مكانوش بيقولولهم الحقيقة، كان مجرد اختبار).... لقيلو ان المجموعة الاولى كانت بتظهر عدوانية فى ردود فعلها بعد كده فى خلال التجربة وبيميلوا لاستخدام القوة الجسدية واحيانا يدخلوا فى خناقات ... بينما المجموعة التانية لقيوهم اهدى من الاولى وكانوا بيدعموا المساواة بين الجنسين وحتى كانوا بيقبلوا انهم يعملوا انشطة تبان انها للسيدات فقط زى غسيل الاطباق مثلا...
طبعا الفرق باين بين راجل رجولته مهدده وراجل واثق فى رجولته...
عادة النوع التانى هاتلاقيه اكثر عطاءا واكثر هدوءا واكثر احتواءا للى حواليه....
No comments:
Post a Comment