حاسس انك دايما مقصر؟

يا صديقى.....
حاسس انك دايما مقصر؟
دايما بتلوم نفسك انك معملتش كل حاجة فى وسعك؟ وان كان فيه حاجات زيادة تتعمل؟
دايما حاسس بالفشل ؟ وان كل الناس احسن او انجح منك؟
اخفاقات الماضى دايما قدام عينيك وبتجلد نفسك بيها؟
حاسس بالاحباط؟ وانك محققتش كل حاجة كنت بتحاول توصلها؟

قول لنفسك... مفيش مشكلة .... Its ok
عملت حاجة وفشلت فيها ؟
مفيش مشكلة..... من غير الفشل عمرنا ماكنا هنعرف طريق النجاح
من غير الفشل عمرنا ماهنعرف نفسنا وقدراتنا المختلفة كويس
بالعكس دا الفشل معناه انك حاولت، ولازم تشكر نفسك انك كان عندك الشجاعة والقدرة انك تاخد خطوات فيها احتمالية الفشل
حاسس انك تايه؟ مش عارف انت عايز ايه ولا تروح فين او تيجى منين؟
مفيش مشكلة......
من غير مانتوه عمرنا ماكنا هنلاقى الطرق الجميلة اللى اكتشفناها واحنا بنتوه..
كتير قوى من الحاجات الجميلة جوانا بتكون مستخبية ومش بتتطلع غير لما بنتوه ....
حاسس انك مش كويس كفاية....
مفيش مشكلة..
احنا متخلقناش عشان نكون كاملين....
لكن اتخلقنا عشان نكون حقيقيين فى كل حاجة بنعملها...
احترم محدوديتك....
انت مش اله.... انت انسان ، وطبيعى الانسان يكون عنده اخفاقات
طبيعى تكون قوتك وطاقتك محدودة.... الوحيد الغير محدود هو ربنا سبحانه وتعالى.
وعمرك ماهتعرف تحقق كل توقعات الناس منك....
دا حتى ربنا مش بيحقق كل توقعات الناس منه....
دا انت كمان عمرك ماهتعرف تحقق كل توقعاتك من نفسك....
انت مش آله صماء .... بالعكس انت اكبر واجمل من كده...
وعشان كده بالراحة على نفسك يا صديقى ...
ولا تقسو على نفسك.....
انت انسان، معرض للضعف والانكسار والاهتزاز فى احيان كتير...
انت انسان يتأثر بما يحدث حوله وبما يحدث بداخله....
انت انسان.... وسر جمالك فى انسانيتك
وكلما تقبلت عدم كمالك ومحدوديتك، صرت اكثر مرونة تجاه عواصف الحياة فلا ينكسر عودك امامها....
وكلما تقبلت انسانيتك، كلما انفتحت عيناك على الجمال الذى بداخلك...
فلتقبل عجزك عن تغيير الكثير من الاشايء من حولك....
فهناك الكثير من الاشياء خارج نطاق سيطرتك....
مش كل حاجة هتعرف تغيرها او تسيطر عليها....
وكلما قبلت نفسك كما هى.... كلما اصبحت اكثر رحمة على من حولك
وقلت ادانتك وانتقادك لهم.....
وزاد قبولك وتفهمك ورحمتك بهم .... وبنفسك
وكلما زاد قبولك لتلك الحقائق....
كلما عقدت سلاما مع الواقع من حولك....
بدلا من الحرب التى تشنها عليه كل يوم....